(I will be better for people who are non-smokers to stay out of this)

Salut tou bane camarade ki p lire sa lettre la. Mo remercier zote pou zote letemps ki zot consacrer pou lire ce ki p passer dans nou pays actuellement.

Bane docteur dire ki cannabis li ene ladrogue et li pa bon pou dimoune ki consomme li. Mai mo ti pou demane sa bane docteur la prouve nous ene lamort ki ine arriver seulment akoz consommation cannabis. Si zot p dire sa, b bizin ena ene rapport ki prouve sa. Zot capav ale roder zamais pa pou gagner sa parceki li pa exister.

Au contraire, nou tou koner comien l’effet negative tabas ena dan lecorps ene humain. Alors kifer pa penalize tabas kan nou koner tou les zours dimoune p mort akoz sa?

Ki l’effet l’alcool dan nou societer? Crime, accident routiere grave,viol, violence familiale, violence conte bane zenfan dan nou pays, ou meme dir…
Tou les semaines l’alcool p faire plis ki 5 cas grave dans nou pays, minimum sa. Ou meme dire comien cas ou fine deja trouver akoz l’abus de l’alcool dan nou societé. Plis ki 50 millions litres p vender dan nou ti pays par laner. Ou imaginer comien grave sa pou vini dan kelke lané enkor? Kan nou deja conne tou sa la, b kifer pa penalize l’alcool aussi.

Mai eski ou fine dja tander ene fumeur cannabis ki ine fume ene 2 joint ine faire tou sa crime la?

Sir Gaetan Duval ti tou le temps dire ki si gandia penaliser dan Maurice, nombre de droguere dan nou pays pou continuer augmenter et sa meme ki p arriver juska azordi. Ou ranne conte ki l’ile Maurice 2eme lor la drogue dure dan l’afrique.

Ene fumeur cannabis zamais ti ene criminel. Moi mo ene dimoune avek ene bon reputation. Mo ti ena ene bon poste travail et tou dimoune respecter moi parceki zamais mo pa fine faire errer avek lezot. Mne gagne trapper avek 1 pouliah masse(dapres la loi sa meme pli tigit ki kpav gagner avek ene dimoune). Mo fine bizin confesser ki mo ene fumeur. Mo passe lacour et mo sorti lor caution rs3000, mo bizin ale met call dan station 2 fois par semaine et mo ena objection to departure.Mo faire ou conner ki sa pouliah la pa ti gagne sa ar moi. L’ADSU ine ramasse sa et dir moi accepter li pou moi sinon zot pou faire moi passe comme trafiquant avek ene charge 10 roulo cannabis dan mo possession. Mo fine bizin accepter parce ki mo ena mo fami ki dan mo responsabiliter. Zot ine pran tou details lor moi et dan bureau l’adsu, banla pran nissa avek moi. Zot dir moi ki zot pou saisi tou bane dibien ki mo ena. Mai sa l’heure la zot fort parceki mo fine commette ene crime daprer la loi ki ena dan nou pays. Alors mo fine bizin resse trankil et zot fine laisse moi aller aprer 6 hr temps d’interogation,zot pran tou kaliter plaisir avk moi. Ene tas procedure.

Mo fine perdi mo place travail et après sa case la mo ene dimoune bien boulverser, mo lavie nepli pareil. Tou sa la ine arriver akoz ene pouliah masse.
Kifer dimoune boire? Akoz gagne nissa kan zot boire. Li pareil pou nou fume masse. Li pou ene plaisir.
Nou pa bizin honter pou ale de l’avant et dire ki nou fume masse parceki c’est considerer comme ene zafer sacrer. Nou faire li avek tou respect sans derange personne. Nou acheter li avek l’argent ki nou gagner kan nou travail.

Eski ou conner ki tou generation dimoune, tous race, tous communauter, tous profession, ministres, juge, avocat, docteur, laboureur, musicians, policiers, manager, fonctionneur, enfin nommer ou meme. Dans tous communautes, ki li blanc ki li noir, ena fumeur masse et nou pa faire discrimination envers lezot race, pas zis dan Maurice mai entier le monde.

Ena dimoune ti p fume ene joint mai sitant sa ine vine difficile dan nou pays, comien ine coumence droguer ou meme kite pays ine aller akoz zot pa gagne zot droit comme fumeur. Si gagne ou avk ene ti quantiter masse, grand probleme,grand tamassa dan nou l’environment kot nou rester! Nou passe pou droguere tou kan li pa vrai sa. Cannabis zamais pa ti ene la drogue dure. Li pousser dan la natir, sans aukene substance chimique, pa ine cré sa dan laboratoire. C’est bondier ki ine mete sa pou diminuer crime dan le monde. Comien bane grand grand pretres dans tous banes religions ki fume sa!

Eski ou koner ki Texas, one of the most developed cities in the world, uses marijuana as medical treatment!It’s already there man. Ale check sa! Et dan la plupart pays dan le monde pa penalize consommateur. Ena ene difference entre consomater ek trafiquant!Consommateur li acheter so zafer li ale fumer trankil mai trafiquant li faire business avek sa. Et nous conte trafiquant..

Comien dimoune dans sa pays la dan prison akoz cannabis mai par conte sa bane dimoune ki ine faire crime la p marcher en dehors kumadir dimoune respectable. Kot nou pays p aller?Ena dimoune p faire crime, et zot p sorti avek la tete haute et nou fumeur ine gagne trapper avek ene ti masse, p bizin passe pou droguer dan la societe kan tou sa la li ene fausseter.

Gueter ki ou pou dire mai masse circuler entier l’ile Maurice et de jour en jour sa p vine pli chere. Bizin acheter ene cigarette masse 200-250 roupies pou gagne ene ti nissa.
Ey couma ou lai droguer ou crime diminuer ici dan sa pays la?

Pou lezot kan zot tane “masse” b sa veu dire la drogue sa, sel raison c’est akoz li illegal.. Mo pa trouver ki fleau li pou faire dan nou societer si cannabis legaliser.

Premier minister dire la vie moderne. Kot ena la vie moderne? Moi apart masse mo pena okene vice. Mo papa ti ene grand soulard. Tou letan ti ena probleme dan mo lakaz, bane violence conte mo mama et la famille en entier.

Si ine arriver gouvernement et l’opposition depenalise masse nou mete au defit, ki pou ena bien moins traffiquant, et nombre la drogue dure pou diminuer dan nou pays. Crime pou diminuer! Aussi bane maladies kuma sida ki transmete par bane seringues ki gouvernement p partager pou diminuer. Gouvernement p envi probleme la drogue fini, mai zot partage seringues. Kuma pou explike sa? Tane dire bel securiter dan port ek aeroport mai sa bane ladrogue la p rentrer meme. Bane mafia p gate nou pays. Alors ine l’heure pou nou pese sonette d’alarme sinon nou bane zanfan pou passe par sa bane dominere la.

Depi 1983 gandia ine vine illegal dan sa pays la. Mai fumeur gandia p augmenter de jour en jour. Societer guete fumeur gandia kuma ene droguere. Kisanla ki responsabe sa? C’est gouvernement. Rama ti p rode depenalise sa mai kan line gagne fauteuil ministre line blier tou.

Ti arête kaya avek gandia dan ene concert et line mort dan police cell après brutaliter policiere et après sa, gouvernement ine bizin dedommage so famille avek 7 millions roupies et nou tou conner ki sa 7 millions la ine bizin ramasser sou par sou par la nation mauricienne pou dedommage ene dimoune ki jamais ine faire crime et ine touye li zis akoz li ene fumeur. Au contraire li meme le roi du seggae mauricien ki connu entier le monde et ti p partage message de la paix mai zot fine touille li akoz li ene fumeur. Eski capav retourne so la vie?

Nou bizin conner ki gandia li ene zafer sacrer pou bane fumeur. Gagne malediction si faire errer ar sa.

Bane camarade ki bane professionel, haut gradé et aussi bane laureats ki fumeur mai zot prefere pa vine morice akoz sa zistoire gandia illegal la.

Done Nou Nou Droit Fumeur. Nou Pou Respecter Tou bane Condition. Change sa la loi ki dominere la.

Mo rapel bien mo ena ene camarade ti gagne trapper avek ene pied gandia, l’adsu ine mete ene charge fumeur ar li et lor papier ena zis ene pouliah. Pied la, bane la ine mete sa sec ar fogue et ine fume sa entre la police meme. Eski zot koner ena l’unite l’adsu vane gandia mai zamai zot pa pou gagne trapper parceki zot p faire dimoune vane sa pou zot et sa bane dimoune la bien proteger. Laloi ine faire egal pou tou dimoune.

Nou p inform tou bane politiciens ki bane fumeur aussi ale voter. Letan zot bizin nou vote lerla zot pa faire difference ki nou bane fumeur. Zot tappe nou laporte pou gagne vote mai kan fini gagne place dans parlement zot blier ce ki zot ti promete nou. Nou pa lai dominere continuer lor sa la loi banal.

Nou pa p demane grand zafer. Nou bane fumeur nou aussi nou contribuer pou nou pays. Nou aussi nou bizin pays taxe. Nou aussi nou bane dimoune pareil kuma lezot mai zis akoz ene joint nou p passe comme criminel. Eski ene la loi sa?

Zamais mo ti ena movai reputation dan l’endroit. Depi mne pieger avek ene pouliah dimoune nepli done moi travail et adsu ine dir moi si mo faire tapaz zot pou piez moi. Zot ine mete sa illegal pou beze l’argent malheureux. Mo ena camarade gagne probleme mental et douleur dans zot lecorps, zot gagne traitement phychotrope mai zot pa pran li. Zot prefere zot joint et avek sa zot pli korek.

Bane planteur masse pa paye taxe, pa gagne trapper. Zis fumeur ki tander p gagne trapper tou les zours et zot dir prison p surpeupler.

Ene pouliah li vane 200-300roupies, so caution li entre 2000- 3000 roupies. Pa tou fumeur ki ena l’argent pou paye caution. Alors faire ferme zot, lerla zot famille penaliser. Fam bizin ale prostituer pou gagne lavie pou nourrie la famille. Kot ena humaniter ladans?

Ene docteur gagne trapper dan rose-hill, zot pa meme guete so carriere comien dimoune line deja traiter, zot nek faire case ar li. Li pa ti demane gouvernement l’argent, laterre ou bien bane benefices encore mai li ene consommateur agé 65ans et gandia ine vine illegal depi 23 ans. Kuma zot lai ki sa dimoune la arête fumer?

Ene foi premier ministre dan ene congres ine dire Macarena party so lavie PRIVEE sa. Li akoz li premier ministre li rode so droit. Nou fumeur nou pena droit nou? nou pena nou lavie privée?

Right now, all governments are in breach of human rights, and the single treaty on narcotics, and given they declared war against anyone who uses cannabis, and they raised up arms against us, they therefore are in breach of the Geneva convention on war crimes.

It is time for everyone caught up in this web of deceit, to invoke the Geneva convention and demand that government supply our medicine.

We the people world wide, must now unite it is time we ended this war as it appears governments will never do so regardless of how much science there is against their stance, this to them is a holy way.

Time also to remind every western government that we live in democracies, democracy is where governments do the will of the people, not business and under no circumstances, are they permitted to do the will of the church over the people’s will.

Ask the mods on the site or contact me personally and I will send you the information, the case should be in the High Court within 4 weeks, we are just waiting on the response from the Vic gov.

Anyone wishing to support this fight log into Oz Stoners web site and let us know.

look for lightning or littlbit on the site to find us

The war is over we will accept their unconditional surrender

Here in USA things are really starting to take a turn for the better when it comes to the legalization of this awesome plant. As it is California has already proposed two bills one for legalization and a second one on standby.

Many states already provide medical cards. Obama has changed the pace at which the DEA will be doing when it comes to raiding legitimate Marijuana dispensaries. In all hopes, I think America is in for a change.

“DFTSTF”